ចំណុចខុសគ្នារវាង SSD និង HDD

SSD (Solid-State Drive) និង HDD (Hard Disk Drive) ជាប្រភេទអង្គផ្ទុកទិន្នន័យសម្រាប់ម៉ាស៊ីនកុំព្យូទ័រ។ SSD ជាបច្ចេកវិទ្យាជំនាន់ថ្មី ដែលមានការនិយមប្រើប្រាស់ច្រើននាពេលបច្ចុប្បន្ន ខណៈ HDD ជាបច្ចេកវិទ្យាចាស់ ប៉ុន្តែក៏នៅមានការប្រើប្រាស់ច្រើនផងដែរ។ ចង់យល់ច្បាស់ពីលក្ខណៈសម្បត្តិ និងភាពខុសគ្នានៃអង្គផ្ទុកទិន្នន័យទាំងនេះ ចូលមើលខាងក្រោម ៖

- គុណសម្បត្តិ និងគុណវិបត្តិ
ទាំង SSD និងHDD មានតួនាទីដូចគ្នាសម្រាប់ boot system និងរក្សាទុកកម្មវិធី ឬឯកសារផ្សេងៗ ប៉ុន្តែទាំងពីរប្រភេទនេះ មានសមត្ថភាពខុសគ្នាបន្តិច លើមុខងារមួយចំនួន។

- តម្លៃ
SSD មានតម្លៃថ្លៃជាង HDD ដោយសារវាជាជំនាន់ថ្មី ដែលប្រើប្រាស់បច្ចេកវិទ្យាទាន់សម័យសម្រាប់ផលិត ខណៈ HDD ប្រើប្រាស់បច្ចេកវិទ្យាចាស់ដែលមានតម្លៃធូរថ្លៃជាង។

- ទំហំ
SSD អាចមានដល់ទៅ ទំហំ 4TB ប៉ុន្តែកម្រមាន ព្រោះតម្លៃថ្លៃ។ អ្នកអាចប្រើប្រាស់ ៥០០GB ទៅ ១TB សម្រាប់ប្រើប្រាស់ទូទៅ ប៉ុន្តែសម្រាប់អ្នកកាត់តវីដេអូ ឬរក្សាទិន្នន័យធំៗប្រហែលអាចនឹងប្រើប្រាស់ ១TB ទៅ ៤TB។ អ្នកក៏អាចប្រើ Cloud Storage ជំនួយផងដែរ ប៉ុន្តែមិនបានច្រើននោះទេ។

- ល្បឿន
SSD មានល្បឿនលឿនទាំងការចម្លងទិន្នន័យចេញ ឬចូល និងជាពិសេសអាច boot កុំព្យូទ័រទាំង Mac និង Windows បានលឿនជាង HDD ទ្វេដង។

- Fragmentation
HDD ដំណើរការល្អជាមួយទិន្នន័យធំៗ ព្រោះវាមានដុំថាសវិលដើម្បីចម្លងចេញចូលទិន្នន័យ ដែលគេកំណត់ថាឃ្លាំងរក្សាទុកទិន្នន័យ ឬភាសាបច្ចេកទេសហៅថា Fragement។ គុណវិបត្តិរបស់ Fragement គឺជួនកាលទិន្នន័យ និងរត់រញ៉េរញ៉ៃពេញឃ្លាំងទិន្នន័យនេះ ខណៈពេលខ្លះធ្វើឲ្យ HDD មានដំណើរការយឺត។ ដោយឡែក SSD មិនអាចមានបញ្ហានេះទេ ដោយសារគ្មានដុំថាស មានន័យថា ទិន្នន័យអាចរក្សាទុកគ្រប់ទីកន្លែង ដែលធ្វើឲ្យវាមានល្បឿនលឿន។

- ការប្រើប្រាស់យូរអង្វែង
SSD មិនមានផ្នែកណាមួយមានចលនានោះទេ ដែលអាចរក្សាទុកឯកសារបានល្អ និងមានសុវត្ថិភាព ទោះបីកុំព្យូទ័ររង្គើ ឬធ្លាក់ (មិនធ្លាក់ខ្លាំង) កំឡុងពេលដំណើរការក៏ដោយ។ ប៉ុន្តែសម្រាប់ HDD គឺនឹងបញ្ឈប់ Heads (ទ្រនិច) ពីការ read/write ពេលប្រព័ន្ធបិទ ប៉ុន្តែវានៅក្បែរនឹង disk platter (ដុំថាសក្នុង HDD) ដែលងាយនឹងគាំងពេលធ្លាក់។

- នៅមានប្រើប្រាស់
HDD ប្រើប្រាស់ច្រើនលើ ប្រព័ន្ធចាស់ ហើយអស់ថវិកាតិច ប៉ុន្តែសម្រាប់ PC ជំនាន់ថ្មីៗ មានប្រើប្រាស់ SSD ច្រើន ។ ក្រុមហ៊ុនមួយចំនួនដូចជា Toshiba, Seagate, Samsung និងក្រុមហ៊ុនមួយចំនួនទៀត នៅបន្តប្រើប្រាស់ HDD សម្រាប់ PC របស់ខ្លួន ដោយមិនប្រើប្រាស់ SSD ទាំងស្រុងនោះទេ។

- កត្តារូបរាង
ដោយសារ HDD ពឹងលើ spinning platters (ដុំថាសវិល) ដូច្នេះវាពិបាកនឹងផលិតឲ្យមានទំហំតូច ទៅតាមកម្រាស់ស្ដើងនៃ Laptop ស៊េរីថ្មីៗ ខណៈ SSD អាចផលិត ហើយសម្របខ្លួនបានតាម Laptop ស៊េរីចុងក្រោយ។

- Noise
HDD មានសំឡេងរំខាន ពេល ដុំថាសវិល ដើម្បី read/write ទិន្នន័យ ខណៈ SSD គ្មានសំឡេងរំខាននោះទេ។

- Power
SSD ដំណើរការល្អ ហើយមិនសូវស៊ីភ្លើងខ្លាំងនោះទេ ដោយសារវាគ្មានដុំថាសវិល ដែលអាចចំណេញថ្ម។

ដូចនេះសម្រាប់ការជ្រើសរើស បើអ្នកមានថវិកាគ្រប់គ្រាន់ អ្នកគួរប្រើប្រាស់ SSD ដែលមានដំណើរការលឿន ខណៈ HDD មានតម្លៃទាប ហើយអាចទិញបានទំហំធំជាង SSD ក្នុងតម្លៃប្រហាក់ប្រហែលគ្នា។ បើនិយាយឲ្យខ្លី ប្រសិនទំហំជាអ្វីដែលអ្នកផ្ដោតខ្លាំង ដូច្នេះគួរជ្រើសរើស HDD ប៉ុន្តែតែបើអ្នកផ្ដោតខ្លាំងលើល្បឿន អ្នកគួរប្រើប្រាស់ SSD៕

ប្រភព៖ pcmag